Qendra Spitalore Universitare “Nënë Tereza” reagoi pas ngjarjes së rëndë të ndodhur në spitalin Infektiv. QSUT sqaroi se mjekët po punojnë për të mbajtur në jetë pacientin 69-vjeçar, Reshat Grëmi.
“Qendra Spitalore Universitare “Nënë Tereza” sqaron opinionin publik se stafi mjekësor në Spitalin Infektiv po bën përpjekjet maksimale për të shpëtuar jetën e pacientit, pas ngjarjes së rëndë të ndodhur në spitalin Infektiv, ku një pacient tentoi të kryente aktin tragjik. Pacienti me inicialet R.G., 69 vjeç aktualisht është nën kujdesin e mjekëve të këtij spitali.”
QSUT garantoi se të gjithë qytetarët që kanë nevojë do të marrin trajtim mjekësor.