Gjiganti italian Milan ka reaguar ndaj lajmeve se portieri, Gianluigi Donnarumma, do të largohet nga skuadra në afatin kalimtar të janarit, duke thënë se tani nuk është koha për tregun e transferimeve të lojtarëve, por për t’u fokusuar në fushën e lojës.
Portieri i talentuar është lidhur përsëri me një largim nga klubi, me mediat italiane që kanë raportuar se agjenti i tij, Mino Raiola, është i palumtur me kontratën e nënshkruar verën që lamë pas.
Për këtë “Kuq e zinjtë” janë përgjigjur në ueb-sajtin e tyre zyrtar.
“Gigio është aset i klubit tonë, si në sport dhe financiarisht”, ka thënë Milan.
“E gjithë kjo nënvizohet nga një kontratë me kohëzgjatje deri në vitin 2021, dhe e forcuar nga një dialog gjithmonë i hapur dhe pozitiv mes lojtarit dhe trajnerit [Gennaro Gattuso]”, ka shtuar skuadra italiane.
//Ekspres