Reagojnë mediat ndërkombëtare për dorëheqjen e Xhafajt

New York Times, Uashington Post, Associated Press janë vetëm disa prej mediave kryesore ndërkombëtare të cilat i kanë bërë jehonë largimit të ministrit të brendshëm, Fatmir Xhafaj.

“Kryeministri shqiptar tha se ministri i brendshëm i vendit ka dhënë dorëheqjen. Duke shkruar në rrjetet sociale, kryeministri Edi Rama konfirmoi se ka pranuar dorëheqjen e ministrit Xhafaj, pa dhënë asnjë shpjegim. Më pas Rama emëroi Sandër Lleshin, një ish-zyrtar ushtarak, për detyrën e ministrit të brendshëm, shkruan Associated Press.

Mediat e tjerë theksojnë se lufta kundër krimit të organizuar, trafikut të drogës dhe korrupsionit janë prioritetet kryesore për Shqipërinë, e cila shpreson që të nisë negociatat e plota me be gjatë vitit tjetër.