Grabitja e bujshme e një dite më parë në pistën e Rinasit, është vetëm përgjegjësi e aeroportit. Akuza vjen nga sekretari i përgjithshëm i Shoqatës së Bankave Spiro Brumbulli. Sulmi me armë sipas tij përbën një rast të paprecedent.
Pasojat e kësaj ngjarjeje do të rëndojnë edhe mbi bankat, pasi transfertat me avion drejt Vjenës mund të ndërpriten, çka do të rrisë kostot.
Në emër të shoqatës ë bankave, Brumbulli u bëri apel policisë dhe prokurorisë të hetojnë me shpejtësi grabitjen, për të çuar para drejtësisë të gjithë personat përgjegjës.
