Ratifikohet marrëveshja mes Kanadasë dhe Shqipërisë për Sigurimet Shoqërore.
Ky vendim, i cili hyn në fuqi nga data 1 gusht, u jep mundësinë qytetarëve të drejtën të gëzojnë të gjitha përfitimet e kontributeve të tyre.
Njoftimin e bëri ministrja për Evropën dhe Punët e Jashtme, Olta Xhaçka.
Në një postim në rrjetet sociale, ajo shkruan se njohja reciproke e sigurimeve shoqërore u vjen në ndihmë qytetarëve shqiptarë dhe kanadezë që jetojnë e punojnë në vendet respektive, duke koordinuar pagesat dhe përfitimet, sipas planeve publike të pensioneve të dy vendeve.