Organizata ndërkombëtare e transparencës vlerëson se korrupsioni në Shqipëri mbetet një problem madhor që pengon përparimin demokratik dhe frenon aspiratat e qytetarëve për një jetë më të mire. Në raportin e vlerësimit për vitin 2020, Shqipëria ka një pikë më shumë dhe dy vende më lart krahasuar me një vit më parë, por gjendet këtë vit është në grupin e shteteve me korrupsion të lartë dhe pa përparim në luftën kundër tij. Ndërsa në harkun kohor 2012-2020, në raport thuhet se vendi ynë ka bërë progres domethënës.
LIDIJA PROKIC
KESHILLTARE RAJONALE PER EVROPEN DHE AZINE QENDRORE
“Ngecja në këtë nivel për pothuajse një dekadë tregon mangësitë në sundimin e ligjit. Pa këtë sundim funksional të ligjit, institucionet nuk janë në gjendje të punojnë në mënyrë efektive dhe të ndjekin rastet e korrupsionit”
Një nga aspektet që ka analizuar për vitin 2020, Transparency International është edhe lidhja mes shkeljeve të standardeve demokratike në përgjigjen ndaj COVID-19 dhe nivelit të korrupsionit në vend.
“Kemi vërejtur shqetësime në lidhje me transparencën edhe në prokurimin publik të lidhur me COVID-in. Dhe kjo është diçka që me të vërtetë meriton shumë vëmendje nga ana e qeverisë. Ndërsa duke iu referuar paketës anti-shpifje, jo vetëm që shkelet liria e shprehjes së qytetarëve, por gjithashtu jepet një efekt frikësues dhe paralizues tek njerëzit që ndoshta mund të vendosnin të raportonin raste korrupsioni ose të paraqisnin prova për akuzat për korrupsion”.
Sipas Transparency International, për vitin 2020 shumica e vendeve ka bërë pak ose aspak përparim. Në raportin e përvitshëm për Indeksin e Perceptimit të Korrupsionit në botë, organizata thotë se korrupsioni jo vetëm minoi përgjigjen globale ndaj pandemisë COVID-19, por kontribuoi në një krizë të vazhdueshme të demokracisë.
