Rama vlerësime për Dibrën

Në mbledhjen e parë të grupit të Partisë Socialiste për këtë sesion parlamentar, kryeministri Edi Rama e ka shfrytëzuar për të folur se pari për zgjedhjet në Bashkinë Dibër. Kreu i qeverisë ka vlerësuar punën e bërë nga të gjithë deputetët e angazhuar në fushatën elektorale për bashkinë verilindore të vendit. Megjithatë, ai u ka kërkuar atyre të mos bëhen euforike nga kjo fitore. Gjatë mbledhjes, Rama ka kërkuar nga deputetët pjesëmarrje në seancën plenare të së enjtes, si dhe të angazhohen në diskutimet me opozitën, duke i dhënë përgjigje akuzave të pritshme që mund t’i adresojnë mazhorancës.