Kryeministri Rama reagoi pas vendimit të Komisionit Europian që refuzoi kërkesën e Holandës për rikthimin e regjimit të vizave me Shqipërinë.
Nëpërmjet një postimi në twitter, kreu i qeverisë shkruan se vizat nuk u rikthyen sic kishin predikuar lajmësit e qametit.
Rama shkruan se e vërteta është që vizat nuk u rikthyen pasi Shqipëria nuk kishte shkelur asnjë kriter.
Ja dhe vizat s’u rikthyen siç predikuan e trumpetuan lajmësit e qametit që s’ndodhi! Komisioni Europian e refuzoi kërkesën e qeverisë holandeze dhe e vërteta doli fiks siç ishte kur e thamë e shumëkush s’e besoi: Vizat nuk rikthehen sepse Shqipëria s’ka shkelur asnjë kriter.
Parlamenti i Holandës kishte kërkuar që të rikthehej regjimi i vizave me Shqipërinë me arsyetimin se ishte rritur niveli I kriminalitetit nga shqiptarët në Holandë e po ashtu ishte shtuar edhe numri I azilkërkërkuesve.
Por këto kritere, sipas Komisionit Europian nuk janë shkelur.