Duke hequr një paralele mes Teatrit të Operas dhe Baletit dhe Teatrit Kombëtar që do të ndërtohet së shpejti, kryeministri Edi Rama tha se edhe shtëpia e aktorëve do t’i japë Shqipëri dinjitet në Evropë.
Nëpërmjet rrjeteve sociale, Rama theksoi edhe një herë arsyet pse godina e Teatrit duhet të prishej.
“MIRËMËNGJES😊 me këtë provë shembullore të vizionit e ambicies sonë për institucionet kombëtare të artit e të kulturës në Shqipërinë e shekullit XXI, ku shihet fare qartë edhe dallimi i madh mes dy botëve që u përplasën për Teatrin e Ri Kombëtar… Teatri i Operas e Baletit të Shqipërisë që ka nxjerrë yje me famë botërore, sot ka hyrë në Europë me hapësirën e kushtet e reja dhe skena me sallën e saj nuk është më një vrimë e ftohtë për artistët dhe publikun, po një vatër kënaqësie për krijuesit dhe dashamirët e atij teatri. Nesër, do të hyjë po kështu në Europë me hijeshi e dinjitet, edhe Teatri Kombëtar i Shqipërisë, që gjatë tërë jetës së vet nuk ka pasur dot një të ftuar për shkak të kushteve prej hauri kafshësh, ku dhanë shpirt të mëdhenjtë e skenës shqiptare dhe ku publiku s’e pati kurrë dot, dinjitetin e konsumatorit të ushqimit shpirtëror…”
Për shkatërrimin e Teatrit Kombëtar pati protesta nga artistët dhe opozitarët. Shoqëria civile vijon mledhjen e firmave për peticion, ku kërkohet rindërtimi i Teatrit në të njëjtin vend, ashtu siç ishte.
