Në një bisedë kokë më kokë, presidenti i Këshillit Evropian, Charles Michel, do të presë kryeministrin Edi Rama të hënën në Bruksel.
Biseda mes drejtuesit të lartë të Bashkimit Evropian dhe kreut të qeverisë do të përqendrohet e gjitha te situata e tensionuar mes Kosovës dhe Serbisë.
Takimi me Michel vjen, pasi Rama i dërgoi edhe atij një letër për gjetjen e një zgjidhje për uljen e tensioneve në veri të Kosovës dhe rivendosjen e dialogut mes Prishtinës dhe Beogradit.
Vizita në bBruksel vjen, pasi Rama i dërgoi presidentit francez Macron dhe kancelarit gjerman Scholz një draft-propozim për asociacionin e komunave me shumicë serbe në Kosovë.
Në të njëjtën ditë në Këshillin Evropian të Punëve të Jashtme do të diskutohet për Kosovën dhe Serbinë.
Do të jetë shefi i diplomacisë evropiane, Josep Borrel, që do të raportojë për situatën mes dy vendeve, qasjen që do të ketë BE ndaj shtensionimit të situatës dhe vijimin e dialogut.
