Kryeministri Edi Rama, në konferencën përmbyllëse të Samitit rajonal “100 liderë në biznes nga Europa Juglindore” me fokus te veçante marrëdhëniet ekonomike, u shpreh se të gjitha vendet e rajonit synojnë integrimin në Bashkimin Europian dhe se në rajon ka shumë potenciale të rëndësishme të pashfrytëzuara.
“Duhet të kemi një mënyrë të re të të kuptuarit sesi duhet të trajtojmë potencialët tona dhe sesi të sigurohemi që të gjithë e kuptojnë dhe punojnë për t’i bërë potencialet e çdo vendi më të mëdha, nëpërmjet potencialit rajonal që është shumë i madh, sepse veç e veç, vendet tona janë tregje të vegjël, por sëbashku bëjnë një treg të madh dhe ka ardhur koha të lëvizim shumë bindshëm në këtë drejtim dhe të mos biem në kurthin e polemikave në lidhje me këtë Plan”.
Rama gjithashtu paralajmëroi lidhje infrastrukturore mes Shkupit dhe Tiranës.
“Rruga e Arbrit do të fillojë shumë shpejt, sepse jemi në fazën finale.”
Ne funksion te ndërveprimit ekonomik dhe rritjes se shkëmbimeve tregtare, kryeministri Edi Rama dhe homologu i tij Zoran Zaev ranë dakord ne Shkup për mbajtjen në muajt e ardhshëm të mbledhjes së përbashkët te dy qeverive.
Gjatë vizitës në Shkup, Rama takoi edhe liderët e partive politike shqiptare në Maqedoni.
Ai bisedoi me kreun e Aleancës për Shqiptarët, Ziadin Sela me liderin BDI-së, Ali Ahmeti dhe kreun e Lëvizjes Besa, Bilal Kasami.
Kryeministri Rama takoi edhe liderin opozitar Nikolla Gruevski, me të cilin ka biseduar për marrëdhëniet mes dy vendeve.
Mbi 150 liderë biznesi katër kryeministra nga Ballkani Perëndimor dhe përfaqësues nga Bashkimi Evropian marrin pjesë në kete takim te rendesishem.
