Rama takon Ruçin, Xhafajn e Ballën

Kryeministri Edi Rama zhvilloi mëngjesin e kësaj të mërkure një takim me kryeparlamentarin Gramoz Ruçi, Ministrin e Brendshëm Fatmir Xhafaj dhe kreun e grupit parlamentar të PS-së Taulant Balla. Mësohet se biseda është përqendruar tek zhvillimi i seancës parlamentare të së enjtes.

Një ndër pikat kryesore te seancës është miratimi i komisionit të reformës zgjedhore. Në takimin që ka zgjatur për rreth një orë, është biseduar edhe mbi koordinimin e qëndrimeve që do të mbahen në parlament nga deputetët e mazhorancës, si kundërpërgjigje ndaj akuzave të opozitës.