Kryeministri Edi Rama ndodhet në një vizitë zyrtare dyditore në Bruksel me rastin e pjesëmarrjes së tij në mbledhjen e Komitetit Ekonomik dhe Social Europian.
Kreu i qeversë u takua sot me Presidentin e Këshillit Europian Charles Miche dhe pritet të takohet edhe me presidenten e komisionit europian, Ursula von der Leyen.
Michel përmes një postimi në X ka shprehur mbështetjen e BE për Shqipërinë në rrugën e integrimit evropian. Gjithastu ka vlerësuar nismën e vendit tonë për të pritur Samitin për Ukrainën në Tiranë.
“Me Edi Ramën, diskutuan rrugën e Shqipërisë drejt BE-së dhe mbështetjen tonë gjatë gjithë rrugës. E ardhmja e Ballkanit Perëndimor është në BE.
Përshëndeta gjithashtu nismën për të pritur një samit rajonal Ballkan Perëndimor dhe samitin për Ukrainën në Tiranë. BE-ja është mirënjohëse për mbështetjen e Shqipërisë dhe të rajonit për Ukrainën”, shkruan ai.
With @ediramaal, discussed the way forward on Albania’s EU path and our support all along the way. The future of #WesternBalkans is in the EU.
Also welcomed the initiative to host a regional Western Balkans-Ukraine summit in Tirana. The EU is grateful for Albania’s and the… pic.twitter.com/kOo8dLV4lJ
— Charles Michel (@CharlesMichel) February 14, 2024
Më 28 shkurt në Shqipëri do të mbahet Samiti për Ukrainën ndërsa një ditë më pas takimi i liderëve të Ballkanit Perëndimor në kuadër të planit të rritjes për vendet e Ballkanit Perendimor nga Komisioni Europian./vizionplus.tv
