Rama takon Bill De Blasio
Në ditën e parë të vizitës ne Shtetet e Bashkuara te Amerikës, kryeministri Rama është takuar me kreun e bashkisë së Nju Yorkut, Bill De Blasio. Shefi i qeverisë shqiptare vlerësoi marrëdhëniet e shkëlqyera mes dy vendeve, si dhe nënvizoi rolin që SHBA ka luajtur në mbrojte të interesave kombëtare shqiptare. “Kënaqësi e posaçme mikpritja e kryebashkiakut të Nju Jorkut në stacionin e parë të vizitës në SHBA” – shkruan Rama ne Facebook. Zyra e shtypit te qeverise ben te ditur se kryetari i bashkisë Bill De Blasio, e ka përgëzuar kryeministrin Rama për reformat e ndërmarra dhe ka vlerësuar rolin e Diasporës shqiptare ne Nju Jork. Rama mori pjese edhe ne nje aktivitet te organizuar nga komuniteti shqiptar ne Nju Jork. Ai foli per samitin e pare mbarëkombëtar te Diasporës, qe do te zhvillohet ne muajin nëntor ne Tirane. Sipas kryeministrit, ky samit do te ndërtojë me shume ura dijeje dhe bashkëpunimi ne çdo fushe.
