Kryeministri Edi Rama po zhvillon një vizitë zyrtare në Gjermani. Vizita vjen në kuadër të rolit pritës të Shqipërisë, për Procesin e Berlinit.
Fillimisht kreu i qeverisë do të ketë një takim me kancelarin gjerman, Olaf Scholz dhe më pas dy liderët do të dalin në një konferencë të përbashkët për shtyp.
Në qendër të diskutimeve do të jetë kryesimi i procesit të Berlinit nga Shqipëria, i cili pritet të ketë mbledhjen e radhës në vjeshtë, në Tiranë.
Përveç takimit me Scholz, Rama do të ketë takime edhe me drejtues të biznesit në Gjermani.
