Kryeministri Edi Rama ka përshkruar situatën e krijuar mes autoriteteve shqiptare dhe opozitës iraniane, pas aksionit të policisë në MEK. Në një interviste, teksa ndodhet në samitin e NATO-s në Lituani, Rama theksoi se strehimi i opozitës iraniane nuk ishte një vendim i lehtë.
Në të njëjtën kohë, ai theksoi se marrëveshja e strehimit nuk përfshinte aksione politike.
“Në na kërkuan që të ndihmojmë për grupin MEK që janë një kafshatë e fortë, ndryshe do t’i ishin masakruar nga shërbimet sekrete në Iran na u kërkuan që të shpëtojmë jetën e tyre. Shqiptarët e kanë AND-në tyre të shpëtojnë jetën e tjerëve. Marrëveshja ishte e qartë se ata do të qëndronin në Shqipëri të ishin të sigurt dhe jo për ta kthyer Shqipërinë në një platformë politike për të sulmuar regjimin”, deklaroi Rama.
Kreu i qeverisë nënvizoi se strehimi i opozitës iraniane solli dhe sulmin kibernetik ndaj Shqipërisë, për të cilin shtoi se pret më shumë përkrahje nga NATO.
