Kryeministri Edi Rama po zhvillon një takim me fermerët e zonës së Moravës në Berat, ku foli për vizionin e Partisë Socialiste në sektorin e bujqësisë.
Në kushtet ku ndodhet vendi sot, sipas kreu të qeverisë, Shqipëria mund të bëhet kampione e Ballkanit në turizëm.
Ai shtoi se objektivi është që eksportet shqiptare, të mbërrijnë në një miliardë dollarë në vit.
“Programi ynë është vizioni ynë, puna jonë, këmbëngulja dhe durimi ynë. Me vizion, karakter, me punë, e durim, ne do të vazhdojmë përpara duke zbatuar planin tonë të veprimin. Shqipëria është në kushtet sot, ku mund të pretendojë të bëhet kampione e Ballkanit në turizëm, argoturizëm dhe transporte bujqësore. Pa diskutim fare, me këto tre hallka, Shqipëria do të ketë mundësi të shkojë në një nivel tjetër, Këto të treja janë baza e një punësimi cilësor. Patjetër që punësimi është një sfidë, patjetër që rritja e vendeve të punës së paguara më mirë është një sfidë e jashtëzakonshme, por këtu do të ishte e pabesueshme, sepse se dinë fare ça bëhet në fshat, nëse do të dëgjonin të ardhurat reale, jo të këtyre këtu, sepse këta nuk kanë limit, këta njerëz e gdhijnë në sera, e gdhin në ara, në fabrikat e tyre. Eksportet do i çojmë mbi 1 mld dollarë.”
