Kryeministri Edi Rama ka vlerësuar arritjen e Shqipërisë në arenën ndërkombëtare, e cila u bë pjesë e Këshillit të të Drejtave të Njeriut në OKB. Rama thekson se 123 vende anëtare të Asamblesë së Përgjithshme të OKB-së dhanë ‘dritën jeshile’ për këtë vendim historik për vendin tonë.
“Shqipëria ulet në Këshillin e të Drejtave të Njeriut në OKB. Dje, 123 vende anëtare të Asamblesë së Përgjithshme të OKB-së votuan PRO SHQIPËRISË si një prej 15 vendeve që do të ulen në KDNJ nga 1 janari 2024 deri në 31 dhjetor 2026”, shkruan ai.
Me 123 vota pro në Asamblenë e Përgjithshme të OKB, Shqipëria do të jetë anëtare për periudhën 2024-2026. Kjo është hera e dytë që Shqipëria e gëzon këtë post.
