Rama shpërthen ndaj gjyqtarit Arjan Aliaj

Kryeministri Edi Rama ka sulmuar Arjan Aliajn, gjyqtarin që mori vendimin për pezullimin nga detyra të Drejtorit të Përgjithshëm të Policisë. Përmes një statusi në rrjetin social Facebook, Rama shkruan se gjykatësi është një personazh aq thellë i zhytur në kënetën e sistemit të drejtësisë, sa vetë Këshill i Lartë i Kënetës e ka shkarkuar për korrupsion dhe mospërmbushje të detyrës. Rama thotë se “Ky killer me pagesë apo me flamur partie i drejtësisë ka liruar nga burgu të paktën 7 herë njerëz të dënuar për vepra të rënda penale; vrasje, përdhunime, grabitje me armë. Kreu i qeverisë shkruan se “Ky derdimen pa din e as iman e rimori çekiçin nē dorë sepse u duhej atyre që sot nuk e duan reformën në drejtësi, për të shtypur drejtësinë për hesap të interesave të tyre!”