Pasi zëvendëskryeministrja Belinda Balluku u rikthye në detyrë me vendim gjykate, kryetari i PD, Sali Berisha nisi sulmet ndaj Kushtetueses, duke deklaruar se gjyqtarët vendosën nën presionin e kryeministrit Edi Rama.
“Ai vendim i Gjykatës Kushtetuese i shkrojtur në zyrën e Edi Ramës, pas presioneve të jashtëzakonshme dhe paritjes me shuma më marramendëse, në kuptimin më të vërtetë të fjalës, është një licencë, për Edi Ramën, familjen e tij, ministrat e tij, që të vjedhin, vjedhin sa më shumë shqiptarët”, deklaoir Berisha.
Gjatë bashkëbisedimit me qytetarët në rrjetet sociale, Berisha u ndal edhe te situata në Partinë Demokratike, ku Ervin Salianji doli hapur kundër Flamur Nokës, duke i kërkuar dorëheqjen.
“Nuk ka një përçarje, ju garantoj. Po, pas zgjedhjeve pati të quajtur demokratë që hanë turpin me bukë dhe vrapuan e u punësuan në administratën e krimit. Pati të tjerë të cilët vendosën të mos merren më me politikë, por të ndjekin jetën e tyre. Pati të tjerë të cilët flirtojnë me qeverinë për kontratat që kanë. Ata që zgjedhin për t’u bërë zhurmues në favor të Edi Ramës duke mashtruar, duke manipuluar elementë që kanë punuar haptas kundër PD-së, kanë punuar për deputetë të Partisë Socialiste, madje kanë dalë dhe kandidatë në bashkinë e Tiranës kundër kandidatit të Partisë Demokratike. Ata janë fals. Nuk janë demokratë, s’kanë asgjë të përbashkët me idealet tuaj të dashur mik, as me të miat”, u shpreh Berisha.
Skenari që do të ndjekë opozita për të rrëzuar qeverinë është rruga e protestave per te cilat lideri i opozitees tha se nuk do te ndalen deri ne krijimin e qeverise teknike.
“Të gjitha format e protestave do të përdoren dhe duhet të përdoren. Kurrë ndonjëherë më shumë, vendi nuk ka patur nevojë për kreativitetin, për guximin dhe vendosmërinë e idealistëve shqiptarë”, tha Berisha.
Berisha nuk përjashtoi nga bashkëpunimi opozitar Adriatik Lapajn, që gjatë ditëve të fundit po bën rezistencë përballë Kryeministrisë. Ai e përshëndeti protestën e tij dhe e quajti atë të drejtë.
