Kryeministri Edi Rama u ka komunikuar të gjithë drejtorëve burra të Qarkut Shkodër që të japin dorëheqjen.
Një gjë të tillë e ka konfirmuar edhe vetë kryetarja e Këshillit Bashkiak të Shkodrës, Briselda Kadia, e cila gjatë një deklaratë për mediat pohoi se kjo nismë po merret me qëllim ndryshimin e imazhit të PS në këtë qytet e se drejtorët e rinj do të caktohen nga vetë qytetarët.
Kadia tha se drejtorët do të zëvendësohen nga persona që aktualisht punojnë në këto institucione ndërsa prioritet do të kenë gratë.
“Ndjej të domosdoshme të bëj një komunikatë. Të gjithë drejtorët e bashkisë Shkodër iu komunikua se duhet të japin dorëheqjen. Vendet do të plotësohen nga persona që do jenë brenda këtyre institucioneve. Do ngrihet një komision qytetar për të përcaktuar zëvendësuesit. Prioritet do kenë gratë për të qenë drejtuese të këtyre institucioneve”, u shpreh Kadia.
