Të 12 prefekturat në vend nga nesër do të drejtohen nga ish-ushtarakë. Në mbledhjen e qeverisë, kryeministri Edi Rama nënshkroi vendimet për shkarkimet e të gjithë prefektëve dhe zëvendësimin e menjëhershëm te tyre. Para mediave, kreu i qeverisë tha se i beson integritetit moral dhe profesional te drejtuesve te rinj. Detyra kryesore do të jetë vazhdimi i luftës kundër kultivimit të kanabisit në vend.
Si të deleguar të qeverisë, prefektët do të duhet të përballojnë situatat e vështira, të cilat lidhen me emergjencat civile.
Pas prezantimit, kryeministri nuk dha përgjigje kur u pyet për motivacionin e dorëheqjes së ish-kreut të SHISH dhe situatën në Himarë.
Kryeministri e mbylli komunikimin me një batutë, duke iu rikthyer debatit të rreth një jave që pati më parë me gazetarët në oborrin e Parlamentit.