Rama: Rrisim investimet në bujqësi
1 shkurti është afati i fundit për konsumatorët e paligjshëm te ujit te pijshëm. Nga Fieri kryeministri Edi Rama ka deklaruar nisjen e reformës ne ketë fushë dhe sanksione për te gjithë ata qe e vjedhin.
Masa me te ashpra do te ketë për biznesin ku deri tani janë konstatuar paligjshmëritë me te mëdha ne lidhjet e ujit te pijshëm.
Me herët ne Fier është hapur sporteli i parë unik për fermerët, një “one stop” shërbimi dhe informacioni. Sporteli do të ofroje shërbimin e aplikimit për grante dhe subvencione me fondet buxhetore. Kryeministri Edi Rama, i shoqëruar nga Ministri i Bujqësisë dhe Zhvillimit Rural, Niko Peleshi gjatë përurimit theksuan se do të lehtësohen procedurat për të gjithë fermerët e zonës.
Bujqësia është shpallur si një ndër sektorët kryesorë të zhvillimit të ekonomisë së vendit. Qeveria ka ofruar mbështetje përmes dhënies së granteve të shumta.
