Kryeministri Edi Rama ka përgëzuar policinë për operacionin ku u vunë në pranga vëllezërit Klement dhe Eldi Çala, autorë të grabitjes së 4.6 milionë eurove në Rinas. Me anë të një postimi në “Facebook”, Rama tha se përveç betejës me koronavirusin, vijon edhe beteja me llumin.
“? Dje Policia e Shtetit u hodhi prangat organizatorëve të grabitjes së aeroportit të Rinasit qershorin e shkuar dhe u konfiskoi 130 mijë € si edhe tre armë zjarri. #RESPEKT për uniformat blu që krahas kontributit të jashtëzakonshëm në frontin e luftës me armikun e padukshëm, vijojnë betejën me llumin e kësaj dynjaje?”
Vëllezërit Çala u arrestuan të enjten, pas një viti nga ngjarja. Më 9 prill të 2019 një grup personash arritën që të grabisnin nje sasi te madhe parash qe po transportoheshin me makina te blinduara nga bankat e nivelit të dytë drejt Rinasit.
Pas një përplasje me Policinë, gjatë aksionit mbeti i vrarë organizatori kryesor i bandes, Admir Murataj.
Pas hetimeve të shumta Policia vendosi në pranga 7 persona përgjegjës për grabitjen dhe në kërkim u shpallën vëllezërit Klement dhe Eldi Çala të cilët u arrestuan pas 1 viti.
Ndërsa në kërkim vazhdon të jetë bashkëpuntor i tyre, Talo Çela.
