Kryeministri Edi Rama e ka nisur më mëngjesin e kësaj të enjteje me pamje nga shtëpitë dhe pallatet e rindërtuara në Laç, pas tërmetit tragjik të 26 nëntorit të 2019.
Në videon e publikuar nga kreu i qeverisë, shihen pallatet e ngritura, të cilat duket se janë drejt përfundimit.
“MIRËMËNGJES dhe me zemrën e re të Laçit pas katastrofës së 26 nëntorit tragjik, ju uroj një ditë të mbarë” shkruan Rama në postimin e tij.
Më herët, shefi i qeverisë ka deklaruar se shpreson që 524 shtëpitë në Laç për të prekurit nga tërmeti të përfundojnë në gusht.
