Kryeministri Edi Rama ka publikuar mëngjesin e kësaj të hëne një video nga punimet e rrugës së Arbrit.
Nëpërmjet një postimi në “Facebook”, kreu i qeverisë lajmëroi se do të përfundojë verën e ardhshme, ndërsa shkruan se kjo rrugë do të zbulojë për tiranasit hapësirat magjike të “jastëkut të gjelbër të kryeqytetit” që shtrihet deri pranë Dibrës.
“Mirëmëngjes dhe me këtë xhiro nëpër shtratin e hapur të Rrugës së Arbërit, që në verën e ardhshme do të jetë një ëndërr shumëvjeçare e realizuar për dibranët, e do të zbulojë për tiranasit hapësirat magjike të jastëkut të gjelbër të kryeqytetit që shtrihet deri pranë Dibrës, ju uroj një javë të mbarë”, shkruan Rama.