Kryeministri Rama publikoi në facebook pamjet e një parku të madh që do të ndërtohet për qytetarët e Durrësit.
Parku më i ri në qytetin bregdetare do të mbaje emrin “Vala” dhe do të bëhet në lagjen numer 18.
Pritet që parku të jetë një ambient ku e gjejnë veten të gjitha moshat, por vecanërisht të apasionuarit pas sporteve.
Aty do të ketë fushë tenisi, fushë volejbolli, minikalçeto, palestër të hapur dhe fushë basketbolli.
“Me “Valën” e re të Durrësit që do të ngrihet në lagjen 18 si një park i madh urban për fëmijë e të rritur, pjese e programit të ri kombëtar të Fondit Shqiptar të Zhvillimit, “DUA TË LUAJ”, ju uroj një javë të mbarë”, shkruan Rama krah publikimit të projektit.
