Kryeministri Edi Rama rishprehet i gatshëm të ulet në tavolinën e dialogut me opozitën.
Pas përfundimit të seancës plenare, ku opozita mungon që nga mesi i muajit shkurt, kreu i mazhorancës u shpreh i hapur për diskutuar me opozitën, edhe në tryezën e negociatave të propozuar nga Presidenti i Republikës.
Për vazhdimin e aleancës me LSI-së Rama u tregua i qetë. Por nënvizoi se mandatin e ardhshëm do e përcaktojnë qytetarët më 18 Qershor.
Kryeministri theksoi rëndësinë e zgjedhjeve. Ai u shpreh se nuk ndihet i shqetësuar se cila do të jenë opozita e ardhshme, edhe nëse pjesë e saj nuk do të jetë PD.
Deklaratat e kryeministrit vijnë në një kohë kur faktori ndërkombëtar ka forcuar thirrjet për uljen në tryezën e dialogut politik mes mazhorancës dhe opozitës, me qëllim kapërcimin e krizës politike në Shqipëri.
