Prezantimin e programit qeverisës, kryeministri Edi Rama e nisi me shtrirjen e dorës së bashkëpunimit me opozitën për çështjet madhore të vendit. Opozitarët tha se nuk i konsideron armiq, por konkurrentë.
Por, shefi i ekzekutivit, tha se opozitës i duhen njohur disa merita, në nxitjen për luftën kundër kanabisit dhe miratimin e ligjit për dekriminalizimin.
E papranueshme sipas Rames është që imazhi i vendit të nxihet, vetëm e vetëm për të përfituar politikisht.
Kryeministri shfrytëzoi fjalën në Kuvend për të tërhequr fort vëmendjen mbi rrezikun qe i kanoset harmonisë fetare në vend.
Bashkëpunimi me Kosovën do të jetë prioritet i qeverisë shqiptare. Por, një mesazh kryeministri i dha fqinjëve grekë.
Nisja e prezantimit të programit politik nisi me një klimë të tensionuar mes mazhoranës dhe opozitës. Pasi Ruçi i dha fjalën kryeministrit, krerët e grupeve parlamentare të PD-së dhe LSI-së thanë se seanca po fillonte me shkelje të Rregullores, pasi nuk ishte përcaktuar mënyra e debatit politik për programin. Një pretendim ky qe Ruci e zgjidhi ne pak minuta.
Programi i ri i qeverise ka ne fokus ekonominë, drejtësinë, shërbimet publike dhe infrastrukturën.
Nje dite me pare Presidenti i Republikës Ilir Meta ka dekretuar kabinetin e ri qeveritar.