Punonjësit e Emergjencave Civile morën vlerësime nga kryeministri Edi Rama këtë të premte për punën e bërë në luftë me flakët gjatë muajit të shkuar.
Kreu i qeverisë premtoi rritje page për ta, si një shpërblim për punën që bëjnë duke rrezikuar jetën
“Do të bëjmë atë që duhet për të rritur edhe pagën, që nuk do të jetë asnjëherë e mjaftueshme sepse nuk është e mjaftueshme askund kur cilido që u përket këtyre trupave, përballet me një sfidë që kërcënon jetën e tij. Por është një motiv më shumë jo vetëm për të çuar në shtëpi më shumë të ardhura, por edhe për të ndjerë vlerësimin dhe respektin për punën që bën.”
Në Bazën Ajrore të Farkës u shpërndanë medalje për menaxhimin e zjarreve.
