Deputeti i PD, Belind Këlliçi ka komentuar deklaratat e kryeministrit Edi Rama lidhur me institucionet e drejtësisë në vend.
Në studion e “Quo Vadis” Këlliçi theksoi se ky është një presion nga ana e kryeministrit. Sipas Këlliçit ky është shantazh ndaj drejtësisë, në mënyrë që Rama të mbrojë ministrat dhe njerëzit e tij të afërt të përfshirë në aferën e inceneratorëve.
“Kjo drejtësi është e varur komplet nga Edi Rama. Ky do bëjë presionet e veta po nuk është model demokratik. Ambasadorja e SHBA i dha një përgjigje. Duke qenë se kemi pasur arrestime për Fierin e Elbasanin,për Tiranën nuk kemi asnjë verdikt. Gojët e liga flasin për një ministër që është pranë Ramës dhe njerëz pranë tij, janë të përfshirë të gjithë. E shoh si shantzah të afërt ndaj drejtësië, për të mos cënuarr qeverinë, asnjë nga ministrat apo bashkëpunëtorët e tij që duhet tu prihen fletët e arrestimit”, tha Këlliçi.
Ai tha se deklartata e ambasadores Kim ishin kundërpërgjigje ndaj intimidimit që Rama bëri ndaj institucioneve të drejtësisë..
“Drejtësia duhet të godasë nga të gjitha anët, edhe të djathtët që kanë shkelur ligjin”, tha Këlliçi.