Rama për programin e PD-së: Ngjan me karakterin e Bashës, i dobët dhe pa shtyllë kurrizore

Kryeministri Edi Rama së bashku me ministrin Arben Ahmetaj zhvillojnë këtë të martë konferencën e përjavshme “Ekonomia në Fokus”, ku përqëndrohet tek procesi i rindërtimit.

Gjatë fjalës së tij, Ahmetaj tha se janë kryer 70 mijë aplikime në platformën “Shtëpia ime”, ndërsa në çadra kanë mbetur 680 familje.

Nga ana tjetër, kreu i qeverisë u shpreh se procesi i rindërtimit duhet të garantojë strehim cilësor për banorët e dëmtuar nga tërmeti, raporton Vizion Plus.

“27 mijë persona që janë përfshirë në këtë program dhe falë kantierëve të hapura në zonën e prekur çojnë rrogën në familjen e tyre. Si të gjitha të këqijat që nuk vijnë vetëm për keq, tragjedia e 26 nëntorit ka hapur një hapësirë të re për mundësira të reja dhe programi i rindërtimit ka ndikuar dhe po ndikon ndjeshëm në ekonominë tonë.”

Reklamë

Teksa komentoi programin ekonomik të Partisë Demokratike, Rama e krahasoi me karakterin e Lulzim Bashës, të dobët dhe pa shtyllë kurrizore.

“Në tërësinë e vet programi i PD si karakteri i liderit të Partisë Demokratike, i dobët dhe pa shtyllë kurrizore. Është një diskutim parimor që ndan qartësisht rrugët dhe qëllimet tona. Taksa e sheshtë është taksë për të pasurit, për t’u dhënë edhe më shumë atyre që fitojnë më shumë dhe për tu marrë shpirtin edhe më shumë atyre që fitojnë më pak.”