Për kryeministrin Edi Rama, sot Ballkani Perëndimor është në pozitën e tij më të mirë politike brenda vetes por edhe në Evropë e përtej saj. Në intervistën e dhënë për një media malazeze, kreu i qeverisë thotë se liderët politikë duhet ta ruajnë frymën e bashkëpunimit pasi e ardhmja pritet të jetë më e vështirë.
EDI RAMA
KRYEMINISTER I SHQIPERISE
Nuk do të jetë kurrë e lehtë dhe nuk pres që të bëhet më e lehtë. Mendoj se të gjithë duhet të përgatitemi që të bëhet më e vështirë, sepse gjërat po ndërlikohen gjithnjë e më shumë në çdo aspekt. Duhet të mos harrojmë kurrë se vijmë nga Ballkani Perëndimor. Ka disa lajme të rëndësishme nga viti i kaluar për pozicionin politik të tij në Evropë dhe botë.
Marrëdhënien e mirë me disa prej liderve të Ballkanit Perëndimor si Aleksandër Vuçiç, Albin Kurti, Dritan Abazoviç dhe Milo Gjukanovioç pavarësisht se ata mes tyre i kanë të tensionuara, Edi Rama e shpjegoi.
EDI RAMA
KRYEMINISTER I SHQIPERISE
Milo sulmon Dritanin dhe Dritani, nuk e di nëse e sulmon Milon apo jo, por supozoj se po, megjithëse Dritani është shumë më i fiksuar pas korrupsionit dhe krimit të organizuar, si një fenomen që duhet zhdukur nga shoqëria malazeze. Ka edhe shumë sulme mes presidentit të Serbisë dhe kryeministrit të Kosovës, të cilat ndonjëherë janë edhe më të rënda. Presidenti Vuçiç dhe unë kemi pikëpamje krejtësisht të ndryshme për çështjen e Kosovës, të cilën ai e quan Kosovë dhe Metohi. Për mua është e lirë, demokratike, shteti sovran i Kosovës. Është gjithmonë më mirë të bisedoni me njerëzit, të përpiqeni të kuptoni arsyet, të paraqisni argumentet tuaja.
Por unë i tha Edi Rama gazetares malazeze nuk jam një politikan i veçantë vetëm në rajon.
EDI RAMA
KRYEMINISTER I SHQIPERISE
Unë, për shembull, jam një mik shumë i mirë i George Soros dhe Rexhep Taip Erdogan, e dini, dhe ky është një nivel konflikti edhe më i lartë, le të themi një duel në shkallë botërore.
Referuar marrëveshjes së propozuar franko-gjermane për çështjen “Kosovë-Serbi”, Edi Rama deklaroi për median malazeze se gjerat po ecin në drejtimin e duhur.
EDI RAMA
KRYEMINISTER I SHQIPERISE
E ndoqa deklaratën e fundit të Presidentit Vuçiç nga Davos dhe mendoj se ishte mjaft e respektueshme, duke pasur parasysh mënyrën se si ai shprehu nevojën për të ecur përpara. Sigurisht, në mënyrën e tij karakteristike shumë të veçantë të komunikimit, por tregoi respekt. Gjërat po ecin ngadalë, por ata po lëvizin. Do të marrë kohë, por kjo është në rregull.
Kreu i qeverisë vlerësoi Ballkanin e Hapur si një nismë në funksion të zhvillimit ekonomik të vendeve të Ballkanit Perëndimor.
