Kryeministri Edi Rama ka mbyllur këtë të premte në Vlorë fushatën elektorale për zgjedhjet e 30 qershorit.
Në fjalën e mbajtur para mbështetësve të PS, të cilëve u kërkoi votëbesimin për kandidatin socialist, Dritan Leli, Rama nuk I kurseu as sulmet e akuzat në drejtim të liderëve opozitarë.
Rama akuzoi opozitën se ka nisur një luftë kundër Shqipërisë ndërsa u bëri thirrje kryebashkiakëve të djathtë që ta lënë lojën e “bravave”.
“Dhe këtu po ja përsëris, se di ku është futur, nuk po ndjehet Luli, ai thotë e kemi bërë ne, ai thotë e ka bërë partia. Kështu do vejë puna do shisni njëri-tjetrin. Gropa është gati, një nga një, aty do përfundoni të gjithë. Ne do ta kishim dëshiruar shumë një garë me ju, por ju i hytë luftës kundër Shqipërisë. Ata kryebashkiakët ta dinë mirë, dhe ta lënë lojën e bravave, lumëmëdhenjtë. Duan të ndalojnë Shqipërinë që të ketë një të nesërme duke ndruar brava. Po ku ka bravë që e ndalon shqiptarin të hapë derën. Por nëse do të duhet që votuesit të hapin derën, duhet ta dijë mirë që do të ndërrojë edhe rezidencën, nga shtëpia te vendi. I mori Luli dhe i bëri një tufë të papunësh, digjni mandatet se bota është me ne, edhe baba Xhikja po përgatit letrat e papunësisë, të gjithë në ndihmë ekonomike pas 30 qershorit”
