Zgjedhjet e 18 qershorit do të zhvillohen edhe pa Partinë Demokratike. Vendimi është bërë i ditur nga kryeministri Edi Rama gjatë komunikimit javor në Facebook. Shefi i qeverisë tha se ndërsa opozita refuzon ofertën për kompromis, nga nesër, mazhoranca do të nisë fushatën elektorale.
Kryeministri Rama akuzoi Berishën dhe Bashën, se po çojnë drejt vetëvrasjes Partinë Demokratike, për shkak të frikës nga vetingu. Por askush nuk do e lërë Shqipërinë peng të opozitës dhe forcave të tjera që duan destabilitetin.
Komunikimin e javës kryeministri e shfrytëzoi për t’u bërë apel emigrantëve që të angazhohen me votat e të afërmeve, për të garantuar Shqipërinë e të ardhmes. Rama ftoi në garën elektorale edhe të gjithë demokratët që nuk duan të jenë më pjesë e atyre që po çojnë PD drejt humbjes.
