Kryeministri dhe njëkohësisht kreu i Partisë Socialiste, Edi Rama ndodhet këtë të diel në qytetin e Vlorës, duke zhvilluar një takim me gratë dhe vajzat në kuadër të fushatës elektorale.
Rama kërkoi votën e tyre, duke nënvizuar se më 11 maj të zgjedhin interesin kombëtar
Gjithashtu kryeministri nuk kurseu as kritikat kundrejt partisë kundërshtare, PD-së. Ai shtoi se ish-kryeministri Sali Berisha ka vetëm hallin e tij personal, jo të qytetarëve.
Rama: 11 Maji është një zgjedhje e të mirës së përbashkët pa dallim. Bëhet fjalë për mundësinë e madhe që na është dhënë ne. Fati na e ka sjellë që me një votë të bëjmë jo vetëm një zgjedhje, por një investim historik. Në krahasim me interesin e në grushti të vogël njerëzish. Një 80 vjeçar vjen vërdalle flet përçart dhe kërkon të marrë zvarrë Shqipërinë. Në Shumë gjëra që thuhen, ajo çfarë shikoni këtu në këtë sallë, nuk janë gra dhe vajza vetëm për të duartrokitur, por trupa që udhëheq betejën tonë. Kjo nuk i përjashton aspak burrat dhe djemtë, por ky është prioriteti ynë. Vetëm me gratë e pararojës mbushim një sallë si kjo. Bëjnë sondazhe dhe në të gjitha sondazhet del që ne jemi në krye dhe shumica del që do të na votojnë.
/vizionplus.tv
