Kryeministri Edi Rama mori pjesë në Forumin Convoco në Salzburg ku foli mbi disa prej cështjeve kryesore të aktualitetit politik në Shqipëri, ku theksoi se jeta politike në shqipëri është shumë e vështirë.
Ne kemi një jetë shumë të vështirë politike. Besoj fort se cilësia e demokracisë, e të bashkëjetuarit nuk varet nga sa shumë biem dakort, por nga mënyra sesi nuk biem dakort. Ne nuk biem dot dakort as për kohën. Duhet të piqemi sepse demokracia nuk është e thjeshtë. Rritja, maturimi janë pjesë e këtij tranzicioni të Në të njëjtën kohë, s’e kuptoj kur njerëzit në Europë, shtete apo udhëheqës nuk e kuptojnë që për ne, procesi, rrugëtimi ka shumë më shumë rëndësi se mbërritja, sepse përmes procesit ne mund të zhvillohemi.Mund të ndërtojmë shtetet që nuk i kemi pasur kurrë.
Kryeministri u ndal edhe te protestat e muajve të fundit në Shqipëri. Sipas tij vepra e artit kërpudha përpara kryeministrisë është kthyer në një simbol, sa më shumë ajo dëmtohet aq më shumë ajo lartësohet, e madje u shpreh i bindur se kjo sfidë e tij do të nxisë protesta të tjera në të ardhmen.
Protestuesit kanë një problem me diskutimin, sepse nëse debatojnë, nuk janë më protestues. Nuk është e thjeshtë. Kërpudha që ishte në kopësht nuk i mbijetoi sulmit të protestuesve, sepse e thyen. E thyen dhe ishte e trishtë, por ishte edhe e vështirë t’i shpjegoje … që nuk ishte një protestë estetike, ishte politike. Ishte kundër meje, jo kundër kërpudhës. Do e bëjmë prap, por duhet ta ngremë 25% më lart, që kushdo që e prek ta dijë se do kthehet më e lartë. Kjo do i pengojë njerëzit që ta prishin kërpudhën, por nëse ia dalin, kërpudha do rritet. Më duket shumë e bukur, të mbijetosh me rritje e të reagosh duke u rikthyer, mezi pres kërpudhën që do jetë më e madhe tani, gjë që mund të nxisë protesta të tjera, por pastaj do e zmadhojmë më shumë, sepse jeta vazhdon.
Ndërsa në lidhje me integrimin e shqipërisë në bashkimin europia kreu i qeverisë nënvizoi se të jesh pjesë e europës do të thotë thotë të ndërtosh një vend europian dhe të ndash të njëjtat vlera.
Megjithëse Europa nuk po shkon mirë, ne përsëri e duam. Nuk është se duam të bashkohemi me Europën e t’i shtojmë kokëcarje drejtuesve të saj që mesa duket janë lodhur me disa vende që kanë ardhur së fundmi, por duam të ndërtojmë një vend Europian dhe një rajon Europian me institucione dhe shtet të së drejtës dhe me demokraci funksionale, e ka vetëm një mënyrë për ta arritur këtë, me Europën. Ne jemi Europianë, por të qënit pjesë e Bashkimit për ne është cështje përkatësie tani e përgjithmonë te një hapësirë vlerash e njerëzish që është më i miri në botë.
Rama shtoi se shqiptarët nuk mund të heqin dorë nga europa pasi është rruga më e mire për brezat e rinj.
