Bashkëpunimi ekonomik dhe nxitja e investimeve nga Emiratet e Bashkuara Arabe në Shqipëri, ishte në qendër të takimit mes kryeministrit Edi Rama dhe sheikut Mohammed Bin Rashid Al Maktum.
Gjatë takimit, me interes nga të dyja vendet u konsideruan investimet në fushën e turizmit dhe infrastrukturës, sidomos në portet detare. Në takim u diskutua edhe për mundësinë e vendosjes së një linje ajrore të Emirateve të Bashkuara që të lidhë dy vendet. Nga ana e tij, sheiku Al Maktum, shprehu gatishmërinë për të nxitur investimet arabe në Shqipëri.
