Kryeministri Edi Rama dhe bashkëshortja e tij, Linda Rama, morën pjesë mbrëmjen e sotme në darkën zyrtare me presidentin e Francës, Emmanuel Macron, në Pallatin Élysée.
Kryeministri Rama ndodhet në Paris me ftesë të presidentit të Francës, Emmanuel Macron, për të marrë pjesë në punimet e Forumit të Paqes.
Në kuadër të Forumit të Paqes, kryeministri Rama referoi në panelin me temë “Universializëm kur mundesh dhe multilaterizëm kur duhet”, ku u ndal te rëndësia e Komunitetit Politik Europian.
Po ashtu, Kryeministri referoi edhe në panelin me temë “Mobilizimi ndërkombëtar për Observatorin për Informim dhe Demokraci”, ku vendi ynë ka dorëzuar zyrtarisht kërkesën për aderim në Partneritetin Ndërkombëtar për Informim dhe Demokraci.
