Nga Devolli, ku ka prezantuar kandidatin për kryetar bashkie Eduard Duron, kryeministri Edi Rama sulmoi opozitën për të cilën tha se nga frika e drejtësisë mbajnë peng zgjedhjet e japin mesazhe të gabuara në Europë kundër celjes së negociatave.
“Zgjedhjet me 30 qershor jo vetëm për kryetaret e bashkive por për të zgjidhur një nyje që është bërë prej vitesh në Shqipëri. Një nuyje që në politike ka shfaqur shumë provleme dhe soit ka hyrë në një problem delikat që për katër njerëz që kanë marrë peng opozitën, duan të marrin peng Shqipërinë,duke shpërndarë pamje të ndryshme djegie nëpër botë për të krijuar një panoramë inkurajuese për të gjithë. Këta katër njerëz Sali Berisha, Ilir Meta, Lulzim Basha e Monika Kryemadhi janë monumenti frikës nga drejtësia, nga hapja e negociatave që nis me drejtësinë. Dhe drejtësia i trajton të gjithë njësoj, nga më i gjati te më i shkurtri, dhe jo si i ka trajtuar për vite me radhë. Zgjedhjet janë pengu që duan për të futur vendin në kaos e për të dhënë mesazhin e gabuar në Europë. Në kohët e dikurshme do quhej sabotim, sot e ka emrin një përpjekje kundër Shqipërisë. Kjo përpjekje do dështojë me turp e turpi do u mbetet atyre që e kanë ndërrmarrë.”.
Ndër të tjera Rama komentoi edhe protestat në hyrje të qytetit, ndërsa rikujtoi dënimet e penalitetet për këdo që pengon zgjedhjet.
“Këta njerëz përdoren si mish për top. Dhe nëse sot që nxiten nga katër njerëz, që shkojnë e flenë në shtëpi, e këta të shkrete shkojnë e flenë në burg, është turpi i një pabesie që duhet të marrë fund. I duhet thënë mos shkojnë pas berihaijt ti thuhet kush shkel zgjedhjet dënohet rëndë, jo vetëm shkon pas hekurave, por kur të dalë nuk shkon dot as në SHBA. Nuk e di a ka ndonjë shqiptar normal.”
