Kryeministri Edi Rama nga Belshi ku kërkoi votëbesimin e qytetarëve për një tjetër mandat qeverisës për kandidatin Arif Tafani, nuk I kurseu as akuzat e ironitë në drejtim të opozitës.
Rama tha se nne vitin 2017 iu lut Bashës ashtu si Romeo Zhuljetës me qëllim që të mos kishte sherr e shamat në vend.
Më tej Rama lëshoi një mesazh edhe për aleatët tradicionalë të PD, nga ku nuk nguroi të ironizonte me kreun e PBDNJ, Vangjel Dule e atë të PDK, Nard Ndoka.
“Del Zoti Vangjeli dhe qirje Nardi e thonë që të shtyhen zgjedhjet. Kjo nuk shkon. Nuk mund të bëjmë ne çfarë duan ata. Ata duan tjetër kryeministër, duan të bëjnë si të duan ata. I bie njësoj sikur ne të ishim në opozitë dhe të kërkonim gjërat që duam ne. Luli do ta mësoja. Bretkosa në Belsh ka sa të duash, qofte te daja nuk ka, kanë mbaru. E bëra këtë batutë sepse mu kujtua vjet. I jam lut vjet Bashës si Romeo Zhuljetës. Jo për të as për vete, por për t’i dhënë mundësi vendit që mos të kishte sherr dhe as shamata. Morën çfarë të duan. Morën edhe burgun se burgjet i donin, sepse nxirrnin njerëzit nga burgu me leje lindje, vetëm që të dilnin në fushatë. E bëmë për të mirën e Shqipërisë. Ata kanë sharë Shqipërinë për turp të tyre. Por sot nuk bëhet më kështu, sepse nuk mund të vazhdohet më të fitohet pa u zgjedhur.
