Rama ndan çelësat e shtëpive të reja në fshatra
Katër familjeve iu dorëzuan çelësat e shtëpive të ndërtuara nga e para në Farkë. Atje ishte vetë kryeministri Edi Rama që iu dorëzoi edhe certifikaten e pronësisë.
Mbi 140 shtëpi të dëmtuara nga tërmeti janë identifikuar në Farkë. Deri në fund të vitit pritshmëria është që në pjesën më të madhe banorët të futen në mjediset e reja.
Për shtepite të cilat ndodhen në zona të thella ku për shkak të mungesës së rrugës apo vendimit të banorëve për mos tu zhvendosur më pranë qendrave të banuar, si zgjidhje është menduar.
EDI RAMA
KRYEMINISTER I SHQIPERISE
Kemi një problem se disa shtëpi që janë në pika të largëta dhe gjeologji të vështirë, kemi menduar tu japim lekë në dorë dhe ata ta vendosin vetë, nëse duan ta rindërtojnë aty, me forcat e tyre por me financimin e tyre. Ky grup që nuk është grup i madh por janë disa, do të zgjidhet, do ti japim në dorë lekët, një për një, sa ju bën rindërtimi”
Pas dorëzimit të çelësave, dollinë për mbarësi kryeministri i ulur në mesin e banorëve e ngriti me raki, por vlerësimin për cilësinë e bëri Arben Ahmetaj, ministri që menaxhon lekët e programit të rindërtimit.
EDI RAMA
KRYEMINISTER I SHQIPERISE
E mirë, shumë e mirë, unë se njoh shumë, por këta të Gjirokastrës e njohin mirë rakinë e të tjerëve, se të atyre pijnë, se të vetën e ruajnë.
