Rama: Meta i fton shqiptarët që në 25 prill të shpërbëjnë reformën në drejtësi

Për kryeministrin Edi Rama, thirrjet e presidentit Ilir Meta për referendum në 25 prill janë një ftesë për shpërbërjen e reformës në drejtësi.

Teksa bashkëbisedoi me gazetarët si çdo javë, Rama deklaroi se në 25 prill shqiptarët kanë vetëm dy rrugë: ose reformën në drejtësi, ose Ilir Metën.

“Ilir Meta duhet falenderuar sepse ka sqaruar plotësisht ekuacionin e referendumit, i cili ishte një ekuacion i paplotë, me vetëm njërën anë. Që në 25 prill referendumi popullor do të shpërbëjë reformën në drejtësi. Tani Ilir Meta i fton shqiptarët në një referendum ku duhet të zgjedhin: me drejtësinë deri në fund apo me Ilir Metën. Zgjedhje më të qartë, më të drejtpërdrejt shqiptarët nuk mund të kenë në 25 prill. Për këtë Meta duhet falenderuar.”