Rama: Mesazhi i takimit historik, domethënës edhe sot

Kryeministri Edi Rama ka uruar 140 vjetorin e lidhjes së Prizrenit. Në facebook ai shkruan se mesazhi i lidhjes kumbon i thjeshtë, por domethënës, dje, sot e përgjithmonë: asnjëherë virtyti dhe aq më pak fati e kanë braktisur një Shqipëri të përbashkuar. “Kjo ditë na kujton gjithashtu se po i afrohemi fundit të gjysmës së parë të vitit të Skënderbeut, arritjet pa zhurmë dhe eventet unike të të cilit po zhvillohen anembanë kombit shqiptar në trojet e tij stërgjyshore dhe në diasporë”, – shkruan kreu i qeverisë.

Edhe ministri i jashtëm Ditmir Bushati ka uruar 14-vjetorin e lidhjes. Sipas tij, shqiptarët në të gjithë rajonin, duhet të orientohen drejt thellimit të demokracisë, fuqizimit të shtetit të së drejtës dhe perspektivës së përbashkët europiane.