Kryeministri Edi Rama mbërriti pasditen e kësaj të premteje në Bari të Italisë.
Kreu i qeverisë u prit nga ministri i Jashtëm italian, Luigi Di Maio dhe guvernatori i rajonit të Puglias, Michele Emiliano.
Vizita dy ditore në vendin fqinj do të realizohet për të kujtuar 30-vjetorin e eksodit masiv shqiptar drejt Italisë në 6 mars të vitit 1991.
Në fillim të marsit të vitit 1991, mijëra shqiptarë u larguan nga vendi, duke shfrytëzuar anijet e ankoruara në kalatat e portit më të madh të Shqipërisë, nga ku u nisën dhjetra anije dhe motopeshkatore me qytetarë shqiptarë kryesisht drejt brigjeve italiane.
