Ndërsa kreu i tatimeve te Tiranës përfundoi ne pranga, me akuzën e korrupsionit, kryeministri Edi Rama paralajmëron riorganizim. Shefi i qeverise shprehu rezerva per mënyrën funksionimit te administratës tatimore, ndërsa tha se jemi ende larg objektivit ne mbledhjen e taksave. Disa orë pas arrestimit të Drejtorit të Tatimeve për Tiranën, Androkli Kokthi, kryeministri Edi Rama ndodhej në një aktivitet për përmirësimin e mbledhjes së taksave. Në eventin e organizuar nga USAID, Rama nuk ka komentuar ngjarjen, megjithatë ka shprehur rezervat e tij për punën e administratës tatimore.
“Kemi nevoje te ecim me shpejt ne luftën kundër informalitetit. Ka nevoje qe aspekti tatimor te riorganizohet dhe ristrukturohet. Ka akoma shume rezerva, te dhënat e janarit janë inkurajuese, por rezervat jane te mëdha”.
Kryeministri tha se qeveria do të vazhdojë me ngulm luftën ndaj informalitetit, por do të ndryshojë taktikën. sipas tij nuk do të ketë më inspektorë që rrinë te dera e biznesit, por në bazë të sistemit të ri të kontrollit të riskut, do të jetë serveri ai që do të vendosë, se cili sipërmarrës do të kontrollohet.
“Nëse do e gjoja ne mënyrë te drejtpërdrejte do te ishte qe kemi trashëguar një administrate tatimore qe punon pa tru, por me sy veshe dhe force. Duhet te punojmë me tru. Te shërbeje ndaj sipërmarrjes. Riorganizimi ka sjelle nje rritje te konsiderueshme te te ardhurave. Nga aksioni kundër informalitetit duhet te jete sipërmarrësi. Mos bazohet te kontrollet e pafundme dhe te pengojnë aktivitetin e biznesit, por ne saje te analizës se riskut.”
Në fjalën e tij Edi Rama ka ironizuar edhe akuzat e bëra së fundi për qeverinë e tij lidhur me koncesionet. Projekti amerikan USAID do të asistojë qeverinë në instalimin e disa programeve në tatime ,të cilat synojnë rritjen e mbledhjes së të ardhurave dhe luftën ndaj evazionit.
