Rama krahason qeveritë: Disa respektojnë protestuesit dhe disa i vrasin nga dritarja

Kryeministri Rama, gjatë rubrikës së tij Sy mSy iu kthye një komentuesi që i kujtonte se po bënin vetëm detyrën, duke i kujtuar se administrata tani kur protestohet para Kryeministrisë mbyllin dritaret dhe punojnë, kurse të tjerët që qëllojnë me plumba nga këto dritare.

“Pyetja është a kanë punuar qeveritarët ndër vite njësoj apo pikërisht këtu dallojnë. Këtu dallojmë, se paratë e popullit janë, që kur ka lindur ideja e një qeverie, për të gjithë dhe kudo. Pyetja është pse deri dje ata që bënin detyrën e lanë Shqipërinë ashtu siç e lanë. Pse ata që bënin detyrën e lanë që gjysma paguante drita dhe gjysma vidhte, paguante për tjetrën, pse nuk e bënë. Detyrën bëjnë të gjitha ata që vijnë në këtë godinë. Ca mbyllin dritaret dhe lenë protestuesit të bëjnë qefin e tyre dhe disa hapin dritaret dhe gjuajnë me autoamtik dhe vrasin protestues. Detyrën bëjnë të dya palët, por puna është që njëri vret dhe tjetri respekton.”, tha kryeministri.