Nga Pogradeci, kryeministri Edi Rama dha lajmin se gjatë kësaj jave do të vijë edhe një sasi tjetër vaksinash, që do të garantojë vijimin e vaksinimit masiv të popullatës.
Shefi i qeverisë tha se imunizimi i qytetarëve nga COVID-19 po ecën në ritme shumë të larta.
“Është një proces që nuk do ndalet. Jemi duke ecur me ritme shumë të larta në radhë të parë falë një organizimi shumë efikas dhe koordinimit shumë të mirë që bëhet nga Ministria e Shëndetësisë nën mbikqyrjen e ministres deri në qendrën më të largët shëndetësore. Po ashtu edhe aplikimet online për vaksinimin në portalin e Albania po funksionojnë më së miri. Ndërkohë, mjekët e familjes njoftimet i bëjnë në bazë të planit të vaksinimit dhe askush nuk mbetet pa u vaksinuar. Këtë javë vijnë sasi të konsiderueshme vaksinash që na japin mundësi të vazhdojmë vaksinimin masiv dhe duke garantuar që sapo vjen afati i dozës së dytë,vaksinat janë në dispozicion. Këtë javë do kemi një tjetër lajm për një tjetër dozë të konsiderueshme vaksinash të tjera.”
