Marrëdhëniet mes Shqipërisë dhe Greqisë janë në një nivel të mirë. Vlerësimin e dha kryeministri Edi Rama.
Ai deklaroi se në këtë frymë pozitive po hidhen edhe hapa për të finalizuar marrëveshjen e detit mes dy vendeve.
Sipas kreut të qeverisë, duhet të merret shembull nga pakti për kufirin ujor që u arrit mes finjëve grekë dhe atyre italianë.
“Kemi bërë progres. Nuk është e lehtë, por kemi vullnet pozitiv dhe marrëdhëniet bilaterale për mendimin tim janë të mira. Përcaktimi është një çështje. Nuk kemi arritur akoma në një marrëveshje. Por, shikoni, Greqia dhe Italia, vende anëtare të BE prej shumë vitesh, arritën në një marrëveshje pak ditë më parë. Besoj se ka çështje që duhen shqyrtuar, që janë diskutuar dhe në të kaluarën dhe vijojnë të diskutohen, është arritur dhe një progres, por natyrisht që mbetet akoma për të bërë. Marrëdhëniet mund të përmirësohen, por edhe tani janë në një nivel të mire.”
Deklaratat kryeministri i bëri gjatë forumit ekonomik të Delphi që u zhvillua online, ku temë ishte Integrimi i Ballkanit Perëndimor në BE.
Të pranishëm në takim ishin edhe Oliver Varhelyi, Komisioneri i Zgjerimit të BE-së, Ana Brnabić, Kryeministri i Serbisë dhe Zoran Zaev, ish-kryeministër i Maqedonisë Veriore, ndërsa Aleksandar Vuçiç, President i Republikës së Serbisë, dërgoi një mesazh të regjistruar.
