Në takimin me përfaqësues të Policisë së Shtetit dhe ministrin Blendi Çuçi, kryeministri Edi Rama nuk i kurseu kritikat ndaj uniformave blu, teksa ngriti problematikëse se në Policinë Rrugore ka një rishfaqje të vogël të korrupsionit.
Për këtë, ai i bëri thirrje SHÇBA-së që të veprojë dhe të godasë çdo rast.
Ai vuri në dukje edhe mungesën e etikës së komunikimit me qytetarët, duke e cilësuar të pajustifikueshme. Sipas tij, ky fenomen është në rritje.
“Dua të falenderoj SHÇBA dhe ti përgëzoj për punën e tyre. K një rishfaqje të korrupsionit tek policia rrugore. SHÇBA duhet të reagojë. Nuk duhet të ketë presion mbi drejtuesit e automjeteve për marrjen e ryshfetit dhe është e patolerueshme që megjithë rritjen e forcës ndëshkuese të policit rrugor, qytetarët të mos ndjejnë një ndryshim thelbësor në disiplinën dhe qarkullimin rrugor, ky është fakt”,tha Rama.